قصة عنف أســـــــــــــري يطيرالنوم من العيــن ////

السلام عليكم ورحمه الله وبركاته

أخواني وأخواتي اليوم ودي اطرح عليكم
موضوع خطير ألا وهو ضرب المراءة ضرب الأخوة لأختهم ضرب الزوج لزوجته العنف
أللي يمارس على المراءة .
يمكن تكلمتم عن هالموضوع مرارا وتكرار بس هالموضوع يستاهل أنا نتكلم عنه .
عشان نوعي بعض ولنوصل رسالة لتعلم يأخي وأختي فقد يكون بيننا من يعاني من
نفس المشكلة فننبهه لنفسه ويعود لربه ويخاف الله في إخواته وبنات الناس
!!!!!!!!
هذي بنت الله يسلمكم عمرها 36 سنة بنت نحيفه وجهها شاحب عيونها آه من
عيونها اقدر أشبه عيونها بالأرض الجدباء اللي مايسقيها مطر هذي دموعها جفت
مع السنين من كثر ماهلتها تروي قصتها بحضوري تقول البنت معانتها مع أخوانها
الخمسة منهم اكبر منها وفيهم الأصغر تخيلوا إخوانها يصبحونها بطق ويمسونها
بطق على الطالعة والنازلة على الرايحة والجاية من ضمن المواقف ذكرت لنا
موقف أخوها ألي اصغر منها ب 19 سنة كان يبي خبز وهي ماسمعته وراحت غرفتها
دخل عليها وطب بطنها ضرب و ضرب مايضربه كافر لمسلم وبعد ماخلص قالها بكل
سهوله ( عشان لاقلتلك أبي شي تجيبينه بسرعة ) ؟؟؟!!!!
ياالله ضربها عشان كذا وش ذا الناس والبشر وشذا التفكير والمرض لها الدرجة
أنا لاشعوريه قلت الله لايوفقة قالت لا اخوي لاتدعين عليه أنا هنا معاد
صبرت بكيت ماقدرت أتحمل كل ذا السنين والضرب والأهانه وتخافين عليهم أي قلب
تشيلنه أنتي يالله !!!!!
تدرون أن هالبنت تحكي شوي وتجلس تسرح دقايق تفكر وترجع تكمل تدرون ان يدها
اليسرى تعوقت من ضرب أخونها لها يلوون يدها ويضربونها بقوة - أمها سلبية
لأبعد الحدود بنظرها العيال هم الأهم وإخوانك يبون مصلحتك أي مصلحة تجي
بضرب وأهانه مآبي ذا المصلحة وين العقل وتفكيره؟؟ وين اللسان ولغته ؟؟ ليه
ربي خلقهم لنا !!!
أبوها الله يرحمه متوفي البنت لما كانت بالثانوي بعمر الزهور والبراءة تقدم
لها واحد وعشان تنحاش من ضيم أخوانها وافقت كان متزوج وعنده زوجتين ها
اللي تقدم لها تملك عليها وبوقت الملكة استدرجها قالها بنروح نشتري أثاث
للبيت أهلها وافقوا( والبنت راحت مبسوطة أخيرا بعيش بصير حرة اخيرا ضحكتلي
الدنيا .
ماتدري أن الحظ معاندها مومعها أبدا خذها للفندق - ارجع اكرر البنت بثانوي
صغيرة ماتعي ولاتفهم تكرر معها مسلسل العنف بالقوة بالأجبار بالضرب حتى سلب
منها اعز ماتملك وهو توه ماجا وقت زواجهم ضربها وهانها وقت ماهو يسلبها
شرفها وكرامتها سألها سؤال!!!!
وش علاقة أخوك بأختي !!!؟؟؟
المسألة كانت انتقام نعم انتقام تستغربون حتى أنا استغربت زيكم كان بينتقم
من أخوها لان أخوها تقدم لأخته أكثر من خمس مرات وكانوا بكل مرة يرفضونه
وهو يصر يجي يخطب الرجال شك قال أكيد أختي مسوية معه علاقة والاما كان جاء
يخطب وإحنا نرفض ؟؟!!!
شف التفكير يدمرها عشان شك -عشان تفكير- طيب أخوها ماأجرم طلبها بالحلال
زوجه... ياأخي وش السالفة!! يقدر يوصلها بالحرام بس هو اختار الحلال-طيب
وشذ نبها هي!! وش سوة بدنيتها عشان كل هذا يصير لها!!
رجعها لأهلها وطلقها بملكتها...!!!
ضحية أخوان مريضين وزوج شكاك ضحية انتقام ضحية مجتمع كامل وغيرها الكثير من
البنات اللي ماندري عنهم في الخفاء منهم من مات وماتت معها قصتها ومنهم من
طالب بحقوقه وصرخ وكلن سمع صرخته ومنهم من عاش وما عاش مثل هالبنت
المسكينة تحس أن الهم يا كل منها ويشرب- مابقى فيها حيل لا تتحمل شي اصلأ
ماعاد تحس بشي هي!!!!
وربي بكيت مع كل كلمة قالتها وتعبت نفسيتي معها ومع قصتها
والحين أبي كل من يقرا معي يقول آمين عسى كل من سقاها المر يذوق من نفس
كاسه -عسى يلقاها بكل خطوة يمشيها- حسبي الله ونعم الوكيل فيهم....
ياشباب خافو الله في اخواتكم يأزواج خافوا الله بزوجاتكم الرسول صلى الله
علية وسلم قال( رفقاً بالقوارير ) الله عز وجل قال بمحكم كتابة (واضربوهن(
أتعلم مالضرب هنا بمعنى الضرب بدون اللحاق الضرر بها ماهو العب بأختك كوره
وصقع رأسها بالجدار وشوتها!!
البنت كائن رقيق حساس أي ضربة ممكن تروح فيها أبي أرائكم كلكم بصدق وا شكرا مقدماً و التجاوب دليل .

يعطيك العاافيه

اخي الكريم محمد رحااال

على الموضووع والقصه الحزينه

والله يهدي جميع النااس

ويحط الرحمه في قلاوووبهم

دائما بانتظار جديك الرائع والمفيد

مودتي وشكري

[ندعوك للتسجيل في المنتدى أو التعريف بنفسك لمعاينة هذه الصورة]

الله يهدي الجميع
مشكور اخي كريم وبنتظار كل جديدك

مشكوووووور محمد على جهودك الرائعة
يسلمو على الطرح
الله يهدي جميع الناس.....
تقبل مروري بكل احترام وتقدير
تحياتي لك...